కొయ్యలగూడెం: ఏలూరు జిల్లా పోలవరం నియోజకవర్గం కొయ్యలగూడెం టౌన్లో తెలుగుదేశం పార్టీ విస్తృత స్థాయి సమావేశం నిర్వహించారు. పోలవరం నియోజకవర్గ టీడీపీ ఇంచార్జ్ బొరగం శ్రీనివాసులు అధ్యక్షతన జరిగిన ఈ సమావేశానికి నియోజకవర్గంలోని వివిధ ప్రాంతాల నుంచి పార్టీ నాయకులు, కార్యకర్తలు భారీ సంఖ్యలో తరలివచ్చారు.
సమావేశానికి టీడీపీ ఏలూరు జిల్లా అధ్యక్షుడు బడేటి రాధాకృష్ణయ్య, ఏలూరు జిల్లా ఎన్నికల పరిశీలకురాలు పంచుమర్తి అనురాధ ముఖ్య అతిథులుగా హాజరయ్యారు. ఈ సందర్భంగా పార్టీ బలోపేతానికి తీసుకోవాల్సిన చర్యలు, రాబోయే కార్యక్రమాలపై పార్టీ శ్రేణులకు దిశానిర్దేశం చేశారు.Eluru District News
నియోజకవర్గంలోని నలుమూలల నుంచి నాయకులు, కార్యకర్తలు పెద్ద సంఖ్యలో హాజరు కావడంతో సమావేశ ప్రాంగణం సందడిగా మారింది. పార్టీని క్షేత్రస్థాయిలో మరింత బలోపేతం చేసేందుకు ప్రతి కార్యకర్త సమన్వయంతో పనిచేయాలని నేతలు సూచించారు.
రాబోయే రోజుల్లో చేపట్టాల్సిన కార్యక్రమాలు, పార్టీ అభివృద్ధికి అనుసరించాల్సిన కార్యాచరణపై సమావేశంలో చర్చించారు. పార్టీ విజయానికి కార్యకర్తల పాత్ర కీలకమని, నాయకులు, కార్యకర్తలు సమష్టిగా పనిచేస్తే పార్టీని మరింత బలోపేతం చేయవచ్చని వక్తలు పేర్కొన్నారు.
నియోజకవర్గంలో పార్టీ కార్యక్రమాలను ప్రజల్లోకి విస్తృతంగా తీసుకెళ్లడంతో పాటు క్షేత్రస్థాయిలో పార్టీ శ్రేణులను సమన్వయం చేసుకుంటూ ముందుకు సాగాలని నాయకులు పిలుపునిచ్చారు.
