ఆచార్య నాగార్జున విశ్వవిద్యాలయం గోల్డెన్ జూబిలీ (50 సంవత్సరాల) వేడుకల సందర్భంగా కళాశాలల వార్షికోత్సవాలు–2026ను ఈరోజు డా. హెచ్.హెచ్. డీచ్మన్ & డా. ఎస్. జాన్ డేవిడ్ ఆడిటోరియంలో ఘనంగా నిర్వహించారు. కార్యక్రమం గణపతి పూజ, విశ్వవిద్యాలయ గీతంతో ప్రారంభమై, అనంతరం జ్యోతి ప్రజ్వలనతో కొనసాగింది. ప్రారంభంలో గాన ప్రదర్శనలు, విద్యార్థిని ప్రదర్శించిన శాస్త్రీయ నృత్యం ప్రేక్షకులను ఆకట్టుకున్నాయి.ఈ వేడుకలకు ముఖ్య అతిథిగా వైస్ చాన్సలర్ ప్రొఫెసర్ కె. గంగాధర్ రావు హాజరయ్యారు. విశిష్ట అతిథులుగా డా. ఘజల్ శ్రీనివాస్, అర్జున అవార్డు గ్రహీత ఒలింపియన్ శ్రీ మంగళ్ సింగ్ చాంపియా, కళారత్న శ్రీ దామోదర గణపతి రావు పాల్గొన్నారు. గౌరవ అతిథులుగా రిజిస్ట్రార్ ప్రొఫెసర్ జి. సింహాచలం, రెక్టర్ ప్రొఫెసర్ ఆర్. శివరాం ప్రసాద్, ఓఎస్డీ ప్రొఫెసర్ ఆర్.వి.ఎస్.ఎస్.ఎన్. రవికుమార్ హాజరయ్యారు.కళారత్న శ్రీ దామోదర గణపతి రావు మాట్లాడుతూ భారతీయ సంస్కృతి, సాంప్రదాయ కళల ప్రాముఖ్యతను వివరించి, యువత కళల పట్ల ఆసక్తి పెంపొందించుకోవాలని సూచించారు.ఆర్చరీ కోచ్ చెరుకూరి సత్యనారాయణ మాట్లాడుతూ తన జీవితంలో ఎదురైన కష్టాలు, ఆర్చరీ పట్ల తన అంకితభావం, తన శిష్యులు సాధించిన జాతీయ, అంతర్జాతీయ విజయాలను వివరించి, క్రమశిక్షణతో ముందుకు సాగితే ఏ లక్ష్యాన్నైనా సాధించవచ్చని విద్యార్థులకు ప్రేరణనిచ్చారు.అర్జున అవార్డు గ్రహీత శ్రీ మంగళ్ సింగ్ చాంపియా మాట్లాడుతూ, కష్టపడి సాధన చేస్తే విజయాన్ని ఎవ్వరూ ఆపలేరని, పట్టుదలతో లక్ష్యాలను సాధించాలని విద్యార్థులకు సూచించారు. తన క్రీడా ప్రస్థానాన్ని వివరించి యువతకు ప్రేరణనిచ్చారు.డా. ఘజల్ శ్రీనివాస్ మాట్లాడుతూ, తెలుగు గజల్కు తాను చేసిన సేవలను ప్రస్తావిస్తూ, జీవితంలో కృతజ్ఞత (Gratitude) భావం ఎంతో ముఖ్యమని వివరించారు. అనేక సవాళ్లను ఎదుర్కొంటూ లక్ష్యాలను సాధించిన తన అనుభవాలను పంచుకున్నారు.125కు పైగా ప్రపంచ భాషల్లో గానం చేసి, 10 వేలకుపైగా ప్రదర్శనలు ఇచ్చిన విషయాన్ని పేర్కొన్నారు. నాగార్జున విశ్వవిద్యాలయాన్ని తనకు ఆలయంతో సమానమని భావిస్తున్నానని, తన పేరుకు ముందు “డాక్టర్” అనే గౌరవం రావడానికి ఈ విశ్వవిద్యాలయం ఆశీర్వాదం కారణమని తెలిపారు.విద్యార్థులు తమ కలలను సాకారం చేసుకోవడానికి పట్టుదలతో కృషి చేయాలని సూచించారు. ఆయన ఆలపించిన గజల్స్, ముఖ్యంగా “ఒక్కసారి ఊరు పోయిరా” వంటి గీతాలు ప్రేక్షకులను మంత్రముగ్ధులను చేశాయి.ఈ సందర్భంగా వివిధ కళాశాలల ప్రిన్సిపాల్స్ తమ వార్షిక నివేదికలను సమర్పించారు:ప్రొఫెసర్ కె. వీరయ్య (యూనివర్సిటీ కాలేజ్ ఆఫ్ సైన్సెస్), ప్రొఫెసర్ ఎం. సురేష్ కుమార్ (ఆర్ట్స్, కామర్స్ & లా), ప్రొఫెసర్ పి. పి. ఎస్. పాల్ కుమార్ (ఫిజికల్ ఎడ్యుకేషన్ & స్పోర్ట్స్ సైన్సెస్), ప్రొఫెసర్ కె. తేజోమూర్తి (ఫార్మాస్యూటికల్ సైన్సెస్), ప్రొఫెసర్ ఆర్.వి. నిరుపమ (ఆర్కిటెక్చర్ & ప్లానింగ్) తమ కళాశాలల పురోగతిని వివరించారు.సైన్స్ కళాశాలలో 17 విభాగాలు, 25 కోర్సులు, వందలాది విద్యార్థులు ఉన్నారని, డాక్టరేట్లు ప్రదానం చేస్తున్నారని తెలిపారు. ఆర్ట్స్ కళాశాల చరిత్ర, జాతీయ స్థాయి విజయాలను వివరించారు. ఫిజికల్ ఎడ్యుకేషన్ కళాశాల క్రీడా విజయాలు, ఫార్మాస్యూటికల్ సైన్సెస్ కళాశాల NIRF ర్యాంకింగ్స్, ప్లేస్మెంట్స్, ఆర్కిటెక్చర్ కళాశాల సృజనాత్మక ప్రతిభను వివరించారు.ఓఎస్డీ ప్రొఫెసర్ ఆర్.వి.ఎస్.ఎస్.ఎన్. రవికుమార్ ఆధునిక ల్యాబ్లు, AI, ML శిక్షణ కార్యక్రమాలను వివరించగా, రెక్టర్ ప్రొఫెసర్ ఆర్. శివరాం ప్రసాద్ విశ్వవిద్యాలయం సాధించిన మైలురాళ్లను ప్రస్తావించారు. రిజిస్ట్రార్ ప్రొఫెసర్ జి. సింహాచలం విశ్వవిద్యాలయం గొప్పతనాన్ని వివరించారు.ముఖ్య అతిథి వైస్ చాన్సలర్ ప్రొఫెసర్ కె. గంగాధర్ రావు మాట్లాడుతూ, విద్యార్థులు ఉన్నత విద్య, ఉపాధి అవకాశాల కోసం కృషి చేయాలని, నిరంతరం నేర్చుకుంటూ తమ నైపుణ్యాలను అభివృద్ధి చేసుకోవాలని సూచించారు. ఫార్మసీ, ఆర్ట్స్, మేనేజ్మెంట్, ఆర్కిటెక్చర్ తదితర విభాగాల్లో విస్తృత అవకాశాలు ఉన్నాయని, అమరావతి ప్రాంతంలో కొత్త అవకాశాలు రూపుదిద్దుకుంటున్నాయని తెలిపారు. విశ్వవిద్యాలయం అందిస్తున్న సదుపాయాలను సద్వినియోగం చేసుకుని భవిష్యత్తులో మంచి స్థానం సంపాదించాలని విద్యార్థులను ప్రోత్సహించారు.ఈ సందర్భంగా విశిష్ట అతిథులను సత్కరించారు. అనంతరం సాంస్కృతిక కార్యక్రమాలు, వినోద ప్రదర్శనలు ఆకట్టుకున్నాయి. వివిధ పోటీల్లో విజేతలకు బహుమతులు ప్రదానం చేశారు.ఈ కార్యక్రమానికి కన్వీనర్గా ప్రొఫెసర్ ఎం. త్రిమూర్తి రావు వ్యవహరించారు. ఐదు కళాశాలల విద్యార్థులు, అధ్యాపకులు భారీ సంఖ్యలో పాల్గొని వేడుకలను విజయవంతం చేశారు.
